Ruruku Whawhati Mākutu
E IO, E Rangi , ka ārai ahau i ngā hara katoa i roto i tōku oranga me ngā oranga o wōku tūpuna i hua ake ai he kanga.
Ka hakatika ahau i ngā mahi whakakeke katoa, te tutu, te mākutu kino, te mākutu mangu, te ruruku hakapakoko, te hiahia kikokiko, te mahi poke,
te puremu, te moepuku, te tukino i wētahi atu, te kōhuru, te tinihanga, te kōrero teka, te mahi mākutu, te matatuhi hē, me ngā whai wāhitanga ki ngā mahi huna katoa.
Ka tono ahau kia murua waku hara katoa me wērā o wōku tūpuna, kia whakawāteatia noki ahau i raro i te mana atuatanga o IO.
Ka tango ahau i te mana, nā, ka wawahi ahau i ia kanga, i ngā kanga katoa e tau ana ki runga i tōku oranga i runga i te ingoa me te mana atuatanga o IO.
Ka wawahi ahau i ngā kanga katoa o te rawakore, te kore rawa, te noho nama, te whakangaromanga, te māuiui, te mate, me te noho kopikopiko me te whakamomori.
Ka wawahi ahau i ngā kanga katoa e tau ana ki runga i taku mārenatanga, tōku whānau, wāku tamariki, wāku mokopuna, taku kāinga, me wōku hononga.
Ka wawahi ahau i ngā kanga o te whakahāweatanga, te whakareretanga, te whakapehapeha, te whakakeke, te hiahia kikokiko, te mamae, te takoto whanaunga,
te tūkino, ngā wairua kino kua kotiti ke, te mataku, me ngā kanga katoa e mahi ana ki runga i taku ingoa me tōku oranga.
Kia whiwhi ahau ki te aroha noa o IO Tikitikiōrangi.
Nō reira, ka whakapuaki ahau, nōku ngā manaakitanga Ō Kahukura Ariki, Ō Rongomai Tapu, Ō Ruataumatua, ŌRehua Tikitiki, me Tānenuiārangi. Ngā Atua Māori tūturu. Ehara rātou I te atua kino e mea ana wētahi. He atua ora katoa rātou.
Rawa ahau i te tangata kua kanga, ngari he tangata kō manaakitia.
Ko ahau te upoko, ehara i te hiku.
Kei runga ahau, ehara i raro.
Ko ahau te kaituku pūtea, ehara i te tangata noho nama ana ki tētahi.
Kō manaakitia ahau, nā, ko tā IO i manaaki ai e kore e taea te kanga.
Ka whakahau ahau kia wehe atu ngā wairua kino o te whakahāweatanga, te mamae, te ngau kino, te kore muru hara, te hereherenga, te whakamamaetanga,
te mate, te whakangaromanga, te mataku, te hiahia kikokiko, te mahi poke, te whakahaere hinengaro, te mākutu kino, te rawakore, te kore rawa, te nama,
te whakaaro rangirua, te māuiui, te pōraruraru, te ngoikore, te mamae, te whakarere mārena, te wehewehenga, te ngangare, te totohe, te pōuritanga,
te pōuri, te mokemoke, te aroha ki a koe anake, te whakahāwea i a koe anō, te riri, te weriweri, te pukuriri, te mamae ngākau, te noho kopikopiko, te kore māia,
te whakaiti i a koe anō, te tukinotanga, me ngā wairua poke katoa kia wehe atu i ahau ināianei.
E IO, E Rangi ka ruruku ahau ki a Koe mō tō whakaora i ahau i ia kanga, me ia wairua kino, whakaaro kino i mahi ki roto i tōku oranga nā runga i te kanga a tētahi atu.
Haukoti ngā whakaaro kino ki runga I waku pae tukutuku katoa. Kia whakawātea, kia whakawātea katoa.
I runga i te ingoa me te mana atuatanga Ō IO Tikitikiōrangi.
Tūturu Ōhiti, Hakamaua kia tina, tina. Haumi e, Hui e. Tāiki e!
Te Whatukura Ō Tangaroa, Kupe Nuku IO-Ariki, 9th
